کابل(پژواک، د چنګاښ لومړۍ نېټه ٩٨): نن په کابل ښار کې د تېرې شنبې په پرتله د قزاقي اوړو، غوړو او سرو زرو بیې لوړې شوې خو د لومړنیو توکو بیې په خپل حال پاتې دي.
د کابل ښار د خوراکي توکو د سوداګرو د ټولنې رییس محمد همایون پژواک خبري اژانس ته وویل، نن د تېرې شنبې په پرتله په عمده توګه د ۴۹ کیلو ګرامه قزاقي اوړو بیه له ١٤٨٠ څخه ١٥٠٠ افغانيو ته، د ۱۶ لېتره خورشید غوړیو بیه له ۱۰۸۰ څخه ۱۱۰۰ افغانيو ته لوړه شوې ده.
خو د نوموړي په خبره، نن لکه د تېرو ورځو په څېر د ۴۹ کیلو ګرامه پاکستانۍ بورې بیه ۲۰۴۰ افغانۍ، ۲۴کیلو ګرامه لومړۍ سېله پاکستانۍ وریجې په ۲۲۰۰ افغانۍ، یو کیلو ګرام شین اندونېزیايي چای په ۳۰۰ افغانۍ او د یو کیلو ګرام تور افریقايي چای بیه ۳۲۰ افغانۍ ده.
د یو شمېر توکو پرچون او عمده بیې په ځينو مواردو کې لږ خو په ځینو مواردو کې زیات توپیر لري.
د احمد صمیم په نوم د تایمني په دیارلسم سړک کې د خوراکي توکو یوه پلورونکي وویل، نن د ۵۰ کیلو ګرامه قزاقي اوړو پرچون بیه ١٥٥٠ افغانۍ، د ۴۹ کیلو ګرامه پاکستانۍ بورې بیه ٢١٠٠ افغانۍ، د ۲۴ کیلو ګرامه لومړۍ سېله پاکستانیو وریجو بیه ٢٥٠٠ افغانۍ، د ۱۶ لېتره خورشید غوړیو بیه ١٢٠٠ افغانۍ، د یوه کیلو شنه اندونیزیايي چاى بیه ٣٢٠ افغانۍ او یو کیلو تور افریقايي چای په ٣٦٠ افغانۍ پلورل کېږي.
د سرو زرو بیې هم لوړې شوې دي.
د حاجي فواد احمد صالح زاده په نوم د کابل ښار د تېمورشاهي واټ یو زرګر وايي، نن د تېرې شنبې په پرتله د یو ګرام ۷۵۰ عیاره عربي سرو زرو بیه له ٢٧٠٠ افغانۍ څخه ٢٧٥٠ او د یو ګرام ۵۸۵ عیاره روسي سرو زرو بیه له ٢٢٥٠ افغانۍ څخه ٢٢٥٠ افغانیو ته لوړه شوې ده.
نوموړي زیاته کړه، د سرو زرو بیې په نړیوالو بازارونو کې تر زیاتېدو وروسته د کابل ښار په بازارونو کې هم لوړې شوې دي.
د سون موادو بیو تغییر نه دی کړی.
د کابل ښار د وزیر اباد د تېلو ټانک یوه کارکوونکي عبدالهادي پژواک خبري اژانس ته وویل، نن د تېرې شنبې په څېر د یو لېتر پټرولو بیه ٥٢ افغانۍ او یو لېتر ډیزل په ۴۹ افغانۍ پلورل کېږي.
دغه راز د کابل ښار د تایمني د څلورم سړک یوه ګاز پلورونکي محمد اکرام وویل، نن د تېرې شنبې په څېر یو کیلو مایع ګاز په ٦٥ افغانۍ پلورل کېږي.
د کابل د شهزاده سرای د صداقت صرافۍ مالک حاجي میرحسن وویل، نن د یوه امریکايي ډالر ارزښت ٨٠.٧٠ افغانۍ او زر پاکستانۍ کلدارې په ٥٢٣ افغانۍ بدلېږي.
د غبرګولي په ۲۵ د یوه امریکايي ډالر ارزښت ۸۰ افغانۍ او زر پاکستانۍ کلدارې په ۵۲۰ افغانۍ بدلېدلې.
غړي
You need to subscribe to view the full article. Please login or register a new account.
