کندوز ښار (پژواک، د زمري لومړۍ نېټه ٩٨): په کندوز ښار کې د برېښنا د شارټۍ له امله دوه ماشومان مړه شوي او دوه ښځې ټپيانې شوې دي.
د کندوز د امنيې قوماندانۍ وياند سرور حسيني د زمري په لومړۍ نېټه پژواک خبري اژانس ته وويل چې تېره شپه د دويمې حوزې اړوند د سړک نو په سيمه کې په يوه نانوايي کې د برېښنا شارټي رامنځته شوې ده.
د هغه د معلوماتو له مخې، په دغه پېښه کې دوه ماشومان چې د نانوايي شاګردان وو مړه شوي او يوه نجلۍ او يوه ښځه ټپيانې شوې دي.
هغه زياته کړه: (( د نانوايي دوکان په يو کور کې دى، کله چې نانوايي کې شارټي رامنځته کيږي، کور کې هم شارټي پيدا کيږي چې يوه ماشومه نجلۍ او يوه ښځه په کې ټپيانې کيږي.))
د حسيني په وينا، د همدې شارټۍ له امله نانوايي او يو ګدام اور اخلي چې بيا د اطفايې کارکوونکي سيمې ته ورځي او اور وژني.
دغه راز د سيمې يوه اوسېدونکي عبدالحق پژواک ته وويل: ((د شپې١١ بجې وې چې په نانوايي کې اور ولګېده، موږ ورغلو وضعيت ډېر خراب وو.))
دى وايي چې په دې پېښه کې درې تنه مړه شوي او يوه ښځه ټپي شوې ده.
د يادونې ده چې ډېرى مهال دغه شان پېښې، برېښنا سره د بې احتياطۍ له امله رامنځته کيږي.
غړيYou need to subscribe to view the full article. Please login or register a new account.
