کابل (پژواک، ٧ زمرى ٩٨): په کابل کې د حج، ارشاد او اوقافو وزارت ودانۍ د يوه دېوال غورځېدو له امله درې مامورين مړه او پنځه نور ټپيان شوي دي.
د دغه وزارت يوه رييس چې د نوم له څرګندولو يې ډډه کوله، د زمري په ٧مه پژواک خبري اژانس ته وويل چې دا پېښه نن له غرمې وروسته په څه کم څلور بجې رامنځته شوې ده.
سرچينې زياته کړې، له باران وروسته د وزارت د يوې برخې دېوال چپه شوى چې له امله يې درې مامورين مړه او پنځه ټپيان شوي دي.
نوموړى چې په خپله له ټپيانو سره په روغتون کې و، د يو شمېر کسانو روغتيايي حالت د اندېښنې وړ وباله.
د وزارت يوه بل کار کوونکي پژواک اژانس ته وويل چې وزارت د خپلو مامورين لپاره د اصلي ودانۍ تر څنګ يوه بله ودانۍ په کرايه نيولې ده چې د باران له امله يې يو دېوال غورځېدلى دى.
login or register a new account.
