کابل(پژواک، ١٢ زمری ٩٨): نن په کابل ښار کې د تېرې شنبې په پرتله د قزاقي اوړو او بورې بیې ټيټې شوې دي.
د کابل ښار د منډويي یوه عمده پلورونکي محمد صمیم پژواک ته وویل، نن د تېرې شنبې په پرتله د ۴۹ کیلو ګرامه پاکستانۍ بورې بیه له ۲۰۰۰ څخه ۱۹۵۰ افغانیو او د ۴۹ کیلو ګرامه قزاقي اوړو بیه له ۱۴۷۰ څخه ۱۴۶۰ افغانۍ ته راټيټه شوې ده.
د نوموړي په خبره، د پاکستان او قزاقستان په بازارونو کې د یادو خوراکي توکو د بیو تر ټيټېدو وروسته په کابل کې هم د خوراکي توکو بیې ټيټې شوې دي.
خو صمیم وايي چې نن د تېرو اوو ورځو په څېر په عمده ډول د ۱۶ لېتره خورشید غوړیو بیه ۱۰۸۰ افغانۍ، د ۲۴ کیلوګرامه لومړۍ سېله پاکستانیو ورجو بیه ۲۲۰۰ افغانۍ، یو کیلو شین اندونيزیايي چای په ۳۰۰ افغانۍ او یو کیلو تور افریقايي چاى په ۳۲۰ افغانۍ پلورل کېږي.
د یو شمېر توکو پرچون او عمده بیې په ځينو مواردو کې لږ خو په ځینو مواردو کې ډېر توپیر لري.
د احمد مصطفی په نوم د تایمني د ۱۳ سړک د خوراکي توکو یوه پلورونکي وویل، نن د ۵۰ کیلو ګرامه قزاقي اوړو پرچون بیه ١٥٠٠ افغانۍ، د ۴۹ کیلو ګرامه پاکستانۍ بورې بیه ٢٠٠٠ افغانۍ، د ۲۴ کیلو ګرامه لومړۍ سېله پاکستانیو وریجو بیه ٢٥٠٠ افغانۍ، د ۱۶ لېتره خورشید غوړیو بیه ١١٥٠ افغانۍ، د یوه کیلو شنه اندونیزیايي چاى بیه ٣٢٠ افغانۍ او یو کیلو تور افریقايي چای په ٣٦٠ افغانۍ پلورل کېږي.
د سون توکو بیو تغییر نه دی کړی.
د کابل ښار د تایمني د څلورم سړک ګاز پلورونکي محمد اکرام وویل، نن د تېرو اوو ورځو په څېر د یو کیلو مایع ګاز بیه ۵۰ افغانۍ ده.
دغه راز د کابل ښار د وزیر اباد د تېلو ټانک یوه کارکوونکي عبدالهادي وویل، نن د تېرې شنبې په پرتله یو لېتر پټرول په ۵۰ او یو لېتر ډیزل په ۴۷ افغانۍ پلوري.
د سرو زرو په بیو کې هم تغییر نه دی راغلی.
د کابل ښار د تېمورشاهي واټ یوه زرګر حاجي فواد احمد صالح زاده وویل، نن د تېرې شنبې په څېر یو ګرام ۵۸۵ عیاره روسي سره زر په ۲۴۰۰ افغانۍ او یو ګرام ۷۵۰ عیاره عربي سره زر په ۲۹۰۰ افغانۍ پلورل کېږي.
د کابل د شهزاده سرای د صداقت صرافۍ مالک حاجي میرحسن وویل، نن یو امریکايي ډالر په ٧٨.٣٥ افغانۍ پېرل کېږي او زر پاکستانۍ کلدارې په ٤٩٩ افغانۍ بدلېږي.
د زمري په پنځمه د یوه امریکايي ډالر بیه ۷۹.۵۰ افغانۍ او زر پاکستاتنۍ کلدارې په ۵۰۳ افغانیو بدلېدې.
غړيYou need to subscribe to view the full article. Please login or register a new account.
