پلخمري (پژواک، ۴ وږی ۹۸): د شمال ولايتونو په کچه د فوټبال سياليو ترسره کېدو په موخه د بغلان د مرکز پلخمري ښار د فوټبال لوبغالي د معياري کولو چارې پيل شوې.
د پلخمري ښاروال انجنیر نظام الدین حمیدي د وږي په څلورمه په دې اړه نیول شوو مراسمو ته وويل چې په بغلان کې ورزش ته د ځوانانو لېوالتیا ډېره شوې خو د مناسب لوبغالي د نه شتون له امله اړ دي نورو ولايتونو ته سفر وکړي.
حمیدي وايي چې د پلخمري فوټبال لوبغالى غیر معیاري جوړ شوی و چې د زون په کچه سيالۍ په کې نه ترسره کېدې.
خو دى زياتوي: ((نن يې موږ د معياري کولو کار پيل کړ څو د زون په کچه سيالۍ په کې ترسره شي.))
دغه راز د بغلان د فوټبال فدراسیون مشر اعظم اکرم زاده وویل چې د شمال ختیځ زون ولایتونو د فوټبال لوبډلو سيالۍ یې په بدخشان ولايت کې ترسره کړې.
دى وايي: ((که موږ خپله د زون په کچه معياري لوبغالى درلودلاى نو اړتيا نه وه چې بدخشان ته ولاړ شو خو اوس ښه شو چې دلته د ميدان د معياري کولو چارې پيل شوې.))
همدارنګه د بغلان ورزشي امريت مرستيال عثمان شېرزي پژواک ته وويل چې دغه لوبغالى پنځه کاله وړاندې د ١٧٥زره امريکايي ډلرو په لګښت جوړ شوى دى.
هغه زياته کړه: ((دا پنځه کاله يې موږ د معياري کېدو په تمه تېر کړل خو چا معياري نه کړ خو اوس ښه دى، د پنځه سوه زره افغانيو په لګښت يې د معياري کولو چارې پيل شوې.))
که څه هم چې د بغلان ډېرې سيمې نا امنه دي، خو زرګونه ځوانان يې په بېلابېلو برخو کې په ورزش بوخت دي.
غړيYou need to subscribe to view the full article. Please login or register a new account.
