په بغلان کې د ترافيکي پېښې له امله څلور کسان مړه شوي

پلخمري (پژواک، ٤  لړم ٩٨) : د بغلان ولايت په دوشي ولسوالۍ کې يو موټر سيند ته لوېدلى  چې له امله يې څلور تنه مړه شوي دي.

د بغلان د والي وياند نذيرنجم د لړم په ٤  مه پژواک خبري اژانس ته وويل چې دا پېښه پرون د دوشي ولسوالۍ د سنګ سراخ په سيمه کې رامنځته شوې ده.

هغه زياته کړه چې د بغلان ولايت مقام داجرايي مدير خداى نظرخان موټر له چپه کېدو وروسته سيند ته لوېدلى چې له امله يې هغه او د اروزګان ولايت د معلولينوچارو امر په ګډون څلور کسان مړه شوي دي .

نجم وايي چې تر اوسه د نورو کسانو هويت نه دى په ډاګه شوى، خو ددوى پلټنې روانې دي.

د نوموړي په وينا، دا موټر له کابل څخه بغلان ته روان و چې د پېښې ښکار شو.

د بغلان د عامې روغتيا مرستيال ډاکټر عبدالحليم غفاري وايي چې روغتون ته له يادې پېښې څلور جسدونه راوړل شوي دي.

غړي

You need to subscribe to view the full article. Please login or register a new account.