کابل (پژواک،۷لړم۹۸): د کابل د ريشخوروپه سیمه کې د شيدو د پروسس فابریکې جوړېدو چارې د ۳.۳ میليونو ډالرو په لګښت پیل شوې چې په کې د فابریکې ودانیزې چارې او نور تجهیزات هم شامل دي.
د کرنې، اوبولګولو او مالدارۍ وزارت په خبرپاڼه کې راغلي، نن سه شنبه د یادې فابریکې بنسټ ډبره د دغه وزارت د وزیر نصیر احمد دراني له خوا کېښودل شوه.
نوموړي په دې اړه جوړه شې غونډه کې ویلي: "دغه فابریکه په ۲۴ ساعتونو کې د ۸۰ زره لیټره شيدو د پروسس وړتیا لرِي، چې په اووه ډوله کیفیت لرونکې شيدې، مستې، تروې، قیماق، چکه، کوچ او پنیر تولیدوي"
خبرپاڼه د دراني له خولې لیکي، دغې فابریکې ته له پروان، لوګر او کابل ولایتونو څخه د مالدارانو اضافي شيدې راټولیږي او له پروسس وروسته له ښه کیفیت سره بازار ته وړاندې کېږي.
د کرني وزیر وايي، د دې فابریکې له جوړېدو سره هېواد ته د لبنیاتو واردات کمیږي او له اقتصادي وضیعت سره مرسته کولی شي.
هغه زیاته کړې، دغه فابریکه د پراختیا نړیوال صندوق (IFAD) په مالي مرسته د ملګرو ملتونو د خوړو او کرنې سازمان (FAO) له خوا جوړیږي چې اته زره مالدارو کورنیو او څه باندې ۱۵۰ کسانو ته په کې دایمي دندې پیدا کېږي.
د سرچینې معلوماتو له مخې، په افغانستان کې "په منځنۍ کچه د کال ۱۳۹ زره مټریک ټنه د غوا غوښه او یو میلیون او ۹۵۲ زره او ۱۹۵ ټنه شيدې تولید او مصرفیږي."
د کرنۍ وزارت مسوولین وايي، په هېواد کې تر اوسه هېڅ دا ډول د شيدو پروسس فابریکه نه وه، خو له دې وړاندې ځینې کوچنۍ او متوسطې فابریکې موجودې وې، خو اړتیا یې نه شوه پوره کولای.
غړيYou need to subscribe to view the full article. Please login or register a new account.
