کابل (پژواک، ۲۶ لیندۍ ۹۸): د "تجديد وړ انرژۍ" اتحاديې مشر وايي چې خصوصي سکتور په دې برخه کې ٢٥٠ ميليونه ډالره پانګونه کړې خو په هېواد کې د دې ډول انرژۍ تولید لپاره د کافي بودجې نشتوالي دوی له ستونزو سره مخ کړي دي.
دغه څرګندونې د "تجديد وړ انرژۍ" اتحاديې مشر کابل خان تدبير د لېندۍ په ۲۶مه په کابل کې د يوې خبري غونډې پر مهال وکړې.
دا ناسته چې د اوبو او برېښنا وزارت له خوا جوړه شوې وه، په کې د دغه وزارت مرستيال الماس زاخېلوال، د افغانستان برېښنا شرکت رييس امان الله غالب او د خصوصي سکتور استازو ګډون کړي وو.
د دې ناستې موخه د انرژۍ د ستونزو پر هواري او ورته د حل د لارو چارو پيدا کولو سلا مشورې او بحث وشو.
د "تجديد وړ انرژۍ" اتحاديې مشر يادې ناستې ته وويل، که چېرې د "تجديد وړ انرژۍ" په برخه کې پانګونه وشي او مالي ستونزې حل شي، نو په هېواد کې به د انرژۍ په برخه کې پرمختګ راشي.
د اوبو او برېښنا وزارت د معلوماتو له مخې، تجديد نظر هغې انرژۍ ته وايي چې له لمر، هوا او کثافاتو څخه تولیدېږي.
تدبير وايي، د بې کيفيته سامانونو را واردول او د بودجې نه شتون د خصوصي سکتور پر وړاندې خنډ رامنځته کړي او دوی يې له ستونزو سره مخ کړي دي.
ده زياته کړه چې د بې کيفيته توکو له امله دوى نه شي کولى چې دا ډول انرژي توليد کړي.
د تدبير د معلوماتو له مخې، له تېرې اوونۍ راهيسې دولتي بانکونه د ولسمشر په امر د پور په برخه کې له خصوصي سکتور سره د مرستو لړۍ پيل کړې چې ورسره به د دوى ستونزې تر ډېره بريده هوارې شي.
نوموړي وويل، که مالي ستونزې يې حل شي، نو د هېواد دننه او بهرنۍ کمپنۍ به وغواړي چې په ياده برخه کې پانګونه وکړي.
تدبير وايي چې د خصوصي سکتور ٨٠ شرکته د انرژۍ په برخه کې ٢٥٠ سوه ميليونه ډالره پانګونه کړې ده.
همداراز په ياده غونډه کې د برېښنا شرکت عمومي رييس امان الله غالب وويل چې په هېواد کې د انرژۍ په برخه کې لا هم ډېر کار ته اړتيا ده.
هغه زياته کړه چې د "تجديد وړ انرژۍ" په برخه کې يوازې له پاليسي جوړولو سره ستونزې نه هوارېږي، بايد خصوصي سکتور او د اوبو او انرژۍ وزارت په ياده برخه کې معياري کارونه ترسره کړي.
د غالب په وينا، د تجديد وړ انرژۍ په برخه کې بايد عامه پوهاوی رامنځته شي او خلک ورسره اشنا شي.
د اوبو او برېښنا وزارت مرستيال الماس زاخېلوال وويل چې په ياده برخه کې بايد ټولې ادارې ستونزې په ګوتو او له دوى سره يې شريکې کړي.
هغه وايي چې د انرژۍ په برخه کې لومړی باید تخنیکي ارزونه ترسره شي، ستونزې مشخصې او حل لارې ورته پیدا شي.
د زاخېلوال په وينا، شرکتونه هم کولای شي چې اړوند ستونزې په ګوتو او حل لارې يې هم له وزارت سره شريکې کړي، څو په ياده برخه کې اصلاحات رامنځته شي.
د مسوولينو د معلوماتو له مخې، په هرات او تخار او پنجشېر کې له باد، کندهار او باميانو کې له لمر څخه او په جوزجان کې له طبيعي ګاز څخه د برېښنا توليدولو چارې روانې دي.
غړيYou need to subscribe to view the full article. Please login or register a new account.
