پکتيکا کې يوه چورلکه لوېدلې ده

کابل(پژواک، ٢٠ مرغومى ٩٨): د پکتيکا په زېړوک ولسوالۍ کې د ملي اردو يوه چورلکه له بېړنۍ ناستې وروسته ويجاړه شوې او چا ته په کې زيان نه دى اوښتى.

ملي دفاع وزارت د يوې خبرپاڼې په خپرولو سره ويلي : (( تېره شپه د افغان هوايي ځواک يوه MI١٧ ډوله چورلکه چې د پکتيکا په زېړوک ولسوالۍ کې يې بېړنۍ ناسته کړې، سپرو کسانو ته په کې هيڅ زيان نه دى اوښتى.))

سرچينه وايي چې له ارزونو وروسته څرګنده شوه چې دغه چورلکه د ترميم وړ نه ده، نو بيا د هوايي ځواک له خوا له منځه يوړل شوه .

خبرپاڼه زياتوي چې ددغې پېښې لامل تخنيکي ستونزې وې او پېښه څېړل کيږي.

خو د طالبانو وياند ذبيح الله مجاهد په خپله ټويټرپاڼه کې ليکلي دي چې د امريکايي ځواکونو يوه چورلکه په پکتيکا ولايت کې سقوط شوې او ټول سپاره کسان په کې وژل شوي دي.  

د هغه په خبره، له دې پېښې وروسته بهرنيو ځواکونو سيمه کې بمبار کړى چې له امله يې يو ملکي وګړى وژل شوى دى.

غړي

You need to subscribe to view the full article. Please login or register a new account.