ایبک (پژواک، ۳۱ وری ۱۳۹۹): سمنګانو کې پر کووید ۱۹ ناروغۍ اخته شپږ ناروغان جوړ شوي او په دغه ولایت کې تر اوسه د دغې ناروغۍ بله پېښه نه ده ثبت شوې.
د دغه ولایت د عامې روغتیا مشر ډاکتر عبدالخلیل مصدق پژواک خبري اژانس ته وویل چې په دغې ولایت کې څلور نارینه او دوې ښځې په دغې ناروغۍ اخته شوي وو.
دی وایي چې له دغو شپږو تنو څلور تېره اونۍ او دوه نور تېره ورځ روغ شوي او له روغتون څخه رخصت شوي دي.
مصدق وویل چې تر اوسه په سمنګانو کې د دغې ناروغۍ بله مثبت پېښه نه ده ثبت شوې.
افغانستان کې د کرونا ویروس لومړۍ مثبت پېښه تېر کال د کب په پنځمه ثبت شوه، خو د تېرې ورځې اعلان شوې شمېرې ښیي چې هېواد کې ټول ۹۳۳ ته د کرونا په ناروغۍ اخته شوي او له دې ډلې ۳۰ تنه مړه او ۱۱۲ نور روغ شوي او خپل عادي ژوند ته ګرځېدلي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن