کابل ( پژواک، ۱۱غبرګولی ۹۹): د مزارشريف د کود برق فابريکې کارکوونکي وایي چې د دوی د اړتيا وړ ګاز د افغان ګاز تصدۍ له خوا په شبرغان ولايت کې د بيات خصوصي کمپنۍ ته ورکړل شوی، چې له امله يې دغه فابریکه د سقوط له ګواښ سره مخ شوې ده.
دا په داسې حال کې ده، چې له تېرو دوو مياشتو راهیسې مزارشريف کې د کود برق فابريکې توليدي چارې په ټپه ولاړې دي.
د يادې فابريکې سلګونه کار کوونکو د غبرګولي په ۱۱مه، د يوه اعتراضي حرکت پر مهال له مرکزي ادارې څخه غوښتنه وکړه، چې ياده تصدي دې له سقوطه وژغوري.
دوی همدا راز وايي، چې د مزارشريف د کود برق فابريکې د اړتيا وړ ګاز د افغان ګاز تصدۍ له خوا په شبرغان ولايت کې د بيات خصوصي کمپنۍ ته ورکړل شوی ، چې له امله يې دغه ستونزه رامنځته شوې ده.
د بلخ د کود برق فابريکې د کارګرانو مسوول انجنير عبدالاحد واحدي د غبرګولي په ۱۱مه، پژواک خبري اژانس ته وويل، چې په ياده فابريکه کې ۱۶۵۰ تنه په کار بوخت وو، چې له تېرو دوو مياشتو راهيسې وزګار دي.
د هغه په خبره، د دغې فابريکې توليدي چارې هغه مهال په ټپه ودرېدې، چې افغان ګاز تصدۍ يې اړتيا وړ ګاز په جوزجان ولايت کې د بيات خصوصي کمپنۍ ته ورکړ، چې برېښنا توليد کړي.
نوموړي زياته کړه: (( د مزار د کود برق فابريکه د فعاليت پنځوس کلنه مخينه لري، افغان ګاز تصدۍ په ډېرې بې تفاوتۍ سره د دغې فابريکې ګاز بيات خصوصي کمپنۍ ته ورکړ او ياده دولتي فابريکه اوس د سقوط له ګواښ سره مخ ده.))
هغه له مرکزي ادارې څخه غوښتنه وکړه، چې دغه موضوع په جدي ډول وڅېړي او د بلخ د کود برق فابريکه له سقوط کېدو څخه وژغوري.
د يادې فابريکې د کارګرانو مسوول همدا راز وويل، چې د دولتي او ملي شتمنيو سقوط کول خيانت دی او په دې برخه کې بايد افغان ګاز تصدۍ ځواب ووايي.
واحدي وويل: (( که دغه موضوع وڅېړل شي نو حتما به د مالي فساد څرکونه په کې وموندل شي، دوی د کوم قانون له مخې د دولتي فابريکې حق خصوصي کمپنيو ته ورکړی دی؟)).
د مزارشريف د کود برق فابريکې د توليد څانګې د تکنالوجۍ متخصص رحمت الله همدم پژواک ته وويل، چې دوی به د ستونزې تر حل کېدو پورې خپلو اعتراضونو ته دوام ورکړي.
هغه زياته کړه، چې افغان ګاز تصدۍ مسووليت لري، چې د خصوصي کمپنيو له پراختيا سره مرسته وکړي؛ خو په خبره يې چې دا حق نه لري؛ څو د دولتي تصدۍ حق خصوصي تصديو ته ورکړي.
د هغه په وينا، دوی په سختو شرايطو کې د مزار د کود برق فابريکه له سقوط کېدو څخه ژغورلې او په وينا يې چې اوس بايد په دومره بې پروايۍ سره سقوط نه کړای شي.
نوموړي زیاته کړه: (( افغان ګاز تصدي په غير قانوني ډول د بلخ د کود برق فابريکې اړتيا وړ ګاز پرې کړي او د بيات خصوصي کمپنۍ ته يې ورکړي، چې بربښنا توليد کړي.))
همدم ګواښ وکړ، چې که غږ يې وانورېدل شي؛ نو د مزار – شبرغان لويه لار به د اعتراض په ډول وتړي.
پژواک هڅه وکړه، چې د دغو شکايتونو په تړاو د افغان ګاز تصدۍ نظر هم واخلي؛ خو څوک خبرو کولو ته حاضر نه شول
. په ورته وخت کې د بلخ د کود برق فابريکې عمومي رييس عبدالرحمان افغان هم پژواک سره خبرو کې تاييد کړه، چې له تېرو دوه مياشتو راهيسې د دغې دولتي فابریکې توليدي چارې په ټپه ولاړې دي.
هغه وويل، چې په دې تړاو يې له افغان ګاز تصدۍ څخه وضاحت غوښتی؛ خو هغوی ورته قانع کوونکی ځواب نه دی وړاندې کړی.
افغان وايي، چې د بلخ د کود برق فابريکې په لږو امکاناتو سره په هرو ۲۴ ساعتونو کې ۱۳۰ ټڼه کيمياوي سره توليدوله، چې له تېرو دوه مياشتو راهيسې دغه کچه صفر ته راکښته شوې ده.
د هغه په وينا، د تېرو دوو مياشتو په موده کې يادې فابريکې ته څه باندې دوه سوه میليونه افغانۍ مالي زيان اوښتی دی. نوموړي له حکومت څخه غوښتنه وکړه، چې يادو ستونزو ته رسېدنه وکړي؛ څو بېرته دغه فابريکه خپل توليدات پيل کړي.
د بلخ د کود برق فابريکه نيمه پېړۍ وړاندې جوړه شوې، چې يو مهال يې د سيمې په کچه د کيمياوي سرې په توليد کې ښه نوم درلود. د يادې فابريکې مسوولين وايي، چې که امکانات ورته برابر شي؛ نو کولای شي، چې د افغانستان د ډېرو ولايتونو د اړتيا وړ سره او بربښنا توليد او تر خلکو يې ورسوي
غړيYou need to subscribe to view the full article. Please login or register a new account.
