ملي تدارکاتو کمېسیون ٣٨ تدارکاتي موارد منظور کړل

کابل (پژواک، ٢٨زمرى٩٩):  ملي تدارکاتو کمېسیون ‎له ۲.۴ میلیارد څخه د زیاتو افغانیو په ارزښت ۳۸ تدارکاتي موارد منظور کړل.

له ارګ څخه پژواک اژانس ته په رالېږل شوې خبرپاڼه کې ويل شوي چې د ملي تدارکاتو کمېسیون غونډه د ولسمشرمحمد اشرف غني په مشرۍ تېر مازیګر په ارګ کې ترسره شوه.

د سرچينې په خبره، په دې غونډه کې، له ۲.۴ میلیارد څخه د زیاتو افغانیو په ارزښت ۳۸ تدارکاتي موارد چې د قلعه نجارا ګذر د زېربناوو د ښه کولو پروژې قرارداد، د بهرنیو چارو وزارت د ستوري ماڼۍ او مرکزي ودانۍ د اساسي ترمیم پروژې قرارداد، په هرات ولایت کې د افغانستان برېښنا شرکت اړوند دوه قراردادونه، د لویې څارنوالۍ د تعمیراتو د اوسني کمپلېکس د الحاقیې درې بلاکونو جوړولو پروژې قرارداد او د ملي دفاع وزارت د کمپیوټري تجهیزاتو، رنګ او د فوټوکاپي او پرنټرونو ماشینونو کارټریج تهیې او تدارک پروژې دوه قراردادونه شامل دي، له بحث وروسته منظور شول.

په خبرپاڼه کې زياته شوې، په همدې ترتیب ملي تدارکاتو کمېسیون د یو شمېر تدارکاتي موضوعاتو د لارښوونو او یادښتونو په اړه هم لازم تصمیمونه ونیول او اړوندو بنسټونو ته یې لازمې لارښوونې وکړې.

همداراز د ملي تدارکاتو کمېسیون غونډې د ځینو پروژو د تعدیل د منظورۍ پر غوښتنه غور او ارزونه وکړه او ترڅنګ یې د کمېسیون د مخکنیو پرېکړو د لارښوونو د تحقق پر راپور هم بحث وکړ.

په دې غونډه کې د ملي تدارکاتو کمېسیون غړو د یو شمېر پروژو د ارزونې لارښوونه وکړه او د پروژو د تطبیق پر څارنه یې ټینګار وکړ .

غړي

You need to subscribe to view the full article. Please login or register a new account.