کابل (پژواک، ٢ وږى ٩٩) : د افغانستان د بهرنیو چارو وزارت وايي چې پر طالب مشرانو د بندیزونو په اړه د پاکستان د بهرنیو چارو وزارت اعلاميه ارزوي.
د بهرنیو چارو وزارت ویاند ګران هېواد نن د وږي په ٢مه، په يوه خبرپاڼه کې ويلي چې د افغانستان دولت به په دې اړه تر ارزیابۍ وروسته خپل موقف څرګند کړي.
هغه زياته کړې:"د پاکستان د بهرنیو چارو وزارت اعلامیه چې پر طالبانو باندې د ملګرو ملتونو د امنیت شورا د تعزیراتو کمېټې د وضعه کېدلو ټینګار یې کړی ، دا اعلامیه د افغانستان د بهرنیو چارو وزارت تر لاسه کړه، غور ورباندې کوي او د افغانستان دولت به په دې اړه تر ارزیابۍ وروسته معلومات شریک کړي."
د پاکستان د بهرنیو چارو وزارت پر ویب پاڼه تېره اوونۍ یوه اعلامیه خپره شوه چې په کې د افغان طالبانو د ځینو مشرانو په ګډون د نورو وسله والو ډلو پر مشرانو هم د ملګرو ملتونو د تعزیراتو کمېټې د بندیزونو پر وضعه کېدلو باندې ټینګار شوی و.
د پاکستان له خوا د وسله والو ډلو پر مشرانو د بندیزونو په نوملړ کې په قطر کې د طالبانو د سیاسي دفتر مشر ملا عبدالغني برادر او د طالبانو د مشر مرستیال سراج الدین حقاني او د حقاني د کورنۍ نور غړي هم شامل دي.
د پاکستان د بهرنیو چارو وزارت په اعلامیه کې راغلي:" حکومت خوښ دی چې د ملګرو ملتونو د امنیت شورا د تعزیراتو کمېټې پرېکړه په بشپړ ډول پلې شي."
د ملګرو ملتونو د امنیت شورا د تعزیراتو کمېټې کې پر یادو کسانو د سفر بندیز او د وسلو د بندیز ترڅنګ د شتمنیو کنګل کېدل شامل دي.
پاکستان داسې مهال پر طالب مشرانو د ملګرو ملتونو د امنیت شورا د تعزیراتو کمېټې پر پرېکړې ټینګار کړی چې د طالبانو د قطر دفتر مشر عبدالغني برادر په پاکستان کې له بند څخه تر خوشي کېدو او قطر ته تر رسېدو وروسته د پاکستان په ګډون ګڼو هېوادونو ته سفرونه کړي دي.
وسله والو طالبانو تر دې مهاله په دې اړه څه نه دي ویلي.
غړيYou need to subscribe to view the full article. Please login or register a new account.
