کابل (پژواک، ٣٠ وږى ٩٩) : د افغان سولې لپاره د امريکا ځانګړي استازي زلمى خليلزاد د بين الافغاني خبرو پيلېدل د افغانستان لپاره يوه بېسارې شېبه بللې ده.
خليلزاد د بين الافغاني مذاکراتو په اړه د ملګرو ملتونو د امنيت شورا اعلاميې ته په اشاره ويلي چې د مذاکراتو له لارې په افغانستان کې د سياسي جوړ جاړي او سولې بهير څخه پراخ نړيوال ملاتړ شته دى.
هغه په خپله ټویټرپاڼه کې ليکلي:"له دغه فرصت څخه بايد ګټه واخیستل شي."
د ملګرو ملتونو امنیت شورا د تېرې جمعې په ورځ په دوحه کې د افغان سولې په اړه د بین الافغاني مذاکراتو د پیلېدو هر کلی وکړ.
خو د دې ترڅنګ په یاده اعلامیه کې د افغانستان پر «حاکمیت، خپلواکۍ، ځمکنۍ بشپړتیا او ملي یووالي» ټينګار هم شوی دى.
د امريکا ځانګړي استازي زلمي خليلزاد ويلي، چې د افغانستان د اسلامي جمهوریت او طالبانو د مذاکراتي ټېمونو ترمنځ روانې خبرې هغه څخه دي چې د ملګرو ملتونو د امنیت شورا په اعلامیه کې يې غوښتنه شوې وه.
هغه ويلي، د د امنیت شورا اعلامیه د هغې لارې ملاتړ کوي چې دواړه لوري اوس ورباندې کار کوي.
بين الافغاني خبرې د تېرې اوونۍ د شنبې په ورځ په دوحه کې پیل شوې چې د امریکا د متحده ایالاتو، امنیت شورا، اروپايي ټولنې، ناټو، د اسلامي هېوادونو د همکاریو سازمان او ګڼو هېوادونو یې هر کلی کړى دى.
د افغانستان د دولت او طالبانو ټيمونو تر اوسه پر طرز العمل او اجنډا خبرې کوي او کومې موافقې ته نه دي رسېدلي.
غړيYou need to subscribe to view the full article. Please login or register a new account.
