کابل (پژواک، ۱۵ تله ۹۹): د افغانستان د مالیې وزارت وایي، د المان د اقتصادي همکاریو او پراختیا وزارت په ۱۳۹۹ کال کې له افغانستان سره ۲۴۰ میلیونه یورو چې شاوخوا ۲۱.۳ میلیارده افغانۍ کیږي، مرسته کوي.
د دغه وزارت د معلوماتو له مخې، افغانستان او المان تر منځ د پراختیایي همکاریو په اړه په انلاین بڼه کنفرانس جوړ او پای ته ورسید.
سرچینه لیکي چې د المان د اقتصادي همکاریو او پراختیا وزارت په دغه کنفرانس کې ژمنه وکړه چې په ۱۳۹۹ کال کې به شاوخوا ۲۱.۳ میلیارده افغانۍ د مالي او تخنیکي همکاریو لپاره پانګونه وکړي.
د مالیې وزارت وایي چې المان په نورو برخو او راتلونکو کلونو کې هم د مرستو ژمنه وکړه.
سرچینه زیاتوي چې له دې مرستو سره به المان له افغانستان سره په ملکي برخه کې د ۴۳۰ میلیونه یورو مرستې خپله هغه ژمنه چې په ۱۳۹۵ کال کې یې په بروکسل کنفرانس کې کړې وه، پوره کړي.
د اقتصادي همکاریو او پراختیا وزارت په برخه کې د المان فدرال دولت سکرټر مارټین ییګر ویلي: « د افغانانو نارینه او ښځینه، هلکانو او نجونو ژوند ښه کول د موږ ګډ هدف دی. موږ په ګډه سره هڅه کوو څو دندې رامنځته کړو، د لوږې او بیوزلۍ سره مبارزه وکړو، افغاني ارګانونه پیاوړي کړو او زېربناوې جوړې او ساتنه یې وکړو.»
مارټین زیاته کړې:«افغانستان او المان کولای شي ۱۰۰ کاله پخوانۍ ملګرتیا ته له سره کتنه وکړي. که شرایط سم وي، المان به د سولې، ټول شموله او دوامداره پرمختګ او ډیموکراسۍ په لاره کې د افغانستان ملګری او همکار وي.»
د مالیې وزارت نوماند وزیر او سرپرست، عبدالهادي ارغندیوال ویلي:«المان د افغانستان لپاره دویم لوی تمویلوونکي په توګه، له ۲۰۰۱ کال څخه وروسته دوره کې د افغانستان په بیارغونه کې کلیدي رول لوبولی دی.
غړيYou need to subscribe to view the full article. Please login or register a new account.
