​ماليي وزارت: په تېرو دوه اوونيو کې ٨،٧ ميليارده افغانۍ عوايد ترلاسه شوي

کابل (پژواک، ٣ لړم ٩٩): د ماليي وزارت وايي چې په تېرو دوو اوونيو کې اته میلیارده ۷۶۷ میلیونه افغانۍ ملي عواید راټول شوي دي.

دغه څرګندونې په هغې خبرپاڼې کې شوي چې د لړم په درېیمه د ماليې وزارت له لوري پژواک خبري اژانس ته را لېږل شوې ده.

په خبرپاڼه کې راغلي چې د ۱۳۹۹ مالي کال د تلې میاشتې له ۱۵مې تر ۳۰مې نېټې پورې ۸ میلیارده ۷۶۷ میلیونه افغانۍ ملي عواید راټول شوي دي.

سرچينه وايي چې له دې جملې ۸۰۸ میلیونه افغانى له مستوفیتونو، ۲ میلیارده ۵۷۴ میلیونه افغانى له مالیاتي عوایدو، يو میلیارده ۵۲۰ میلیونه افغانى له غیر مالیاتي عوایدو او ۳ میلیارده ۸۶۳ میلیونه افغاني له ګمرکونو ترلاسه شوې دي.

خبرپاڼه کې راغلي چې د روان مالي کال له پیله تر اوسه پورې ۱۳۵ میلیارده ۵۶۸ میلیونه افغانۍ ملي عواید راټول شوي دي.

سرچينه دا هم وايي چې د ۱۳۹۹ مالي کال له پیل نه د لړم میاشتې تر ۳ مې نېټې پورې ۸۹ میلیارده ۱۸۸میلیونه افغانۍ (۵۴٪) پراختیایې بودیجه او ۲۰۹ میلیارده ۱۴۳ میلیونه افغانۍ (۶۸٪) عادي بودیجه لګول شوی چې په ټوله کې د ملي بودیجې ۲۹۸ میلیارده ۳۳۱ میلیونه افغانۍ (۶۳٪) جوړوي.

د يادونې ده، د روان کال لپاره ٢٨٩ ميليارده افغانۍ عادي او ١٣٩ ميليارده افغانۍ پراختيايي بوديجه په پام کې نيول شوې ده.

غړي

You need to subscribe to view the full article. Please login or register a new account.