هرات ښار (پژواک، ۶ لړم ۹۹): د هرات ــ اسلام کلا پر لویه لار د یوې ترافیکې پېښې په پایله کې درې کسان مړه او پنځه نور ټپیان شوي دي.
د هرات د پولیسو یاند عبدالاحد ولي زاده پژواک خبري اژانس ته وویل چې نن شاوخوا ۱۲ بجې د هرات ــ اسلام کلا پر لویه لار یو کرولا موټر له یوه ټېلر سره ټکر کړی دی.
د ولي زاده په وینا، په دې پېښه کې درې کسان وژل شوي او پنځه نور ټپیان شوي دي.
هغه زیاته کړه چې ټپیان د هرات حوزوي روغتون ته وړل شوي دي.
د موټر ګړندی تګ او د ترافیکي قوانینو او مقرراتو نه مراعاتول، د دې پېښې د رامنځته کېدو لاملونه دي.
login or register a new account.
