کابل (پژواک، ٢٨ لړم ٩٩): د افغانستان او پاکستان ترمنځ د ګمرکي همکاریو تړون لاسلیک شو او ښايي له دغه تړون سره دوه اړخیزه سوداګري او د افغان ترانزیت ستونزې کمې شي.
دغه تړون پرون په کابل کې په داسې حال کې لاسلیک شوی چې ټاکل شوې د پاکستان لومړی وزير عمران خان سبا پنجشنبې په رسمي سفر کابل ته راشي.
د دغه تړون د لاسليک په مراسمو کې د پاکستان د سوداګرۍ وزیر محمدصالح احمد فاروقي، په سوداګریزو چارو کې د لومړي وزير عمران خان سلاکار عبدالرزاق داوود او د افغانستان د سوداګرۍ او صنعت وزير نثاراحمد غورياني ګډون کړی و.
یاد پاکستاني چارواکي دوه ورځې مخکې له ١٧ کسيز پلاوي سره کابل ته راغلي دي.
د اپټيکا په نوم دغه تړون پرون د دواړو هېوادونو د استازو ترمنځ لاسليک شو.
د پاکستان د سوداګرۍ وزیر د اپټيکا یا د افغانستان او پاکستان ترمنځ د ترانزيټ او سوداګرۍ تړون په اوومه غونډه کې وویل، هېواد یې له افغانستان سره د سوداګرۍ نوره پراختیا غواړي.
دا په داسې حال کې ده چې د افغانستان او پاکستان ترمنځ د ترانزيټ او سوداګرۍ اوسنی تړون د ۲۰۲۱ کال په فبرورۍ کې پای ته رسېږي.
د پاکستان سفارت له خوا په يوه خپره شوې خبرپاڼه کې راغلي چې دواړو لورو د افغانستان او پاکستان ترمنځ د سوداګرۍ او افغان ترانزیټ تجارت کې د اسانتیاوو رامنځته کولو په اړه خبرې وکړې.
سرچينې زياته کړې، د اپټيکا تړون په لړ کې به نورې خبرې په راتلونکې ډسمبر مياشت په اسلام اباد کې وشي.
غړيYou need to subscribe to view the full article. Please login or register a new account.
