ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې د ملي امنيت درېیو کارکوونکو ته مرګ ژوبله اوښتې

ننګرهار کې د ملي امنيت درېیو کارکوونکو ته مرګ ژوبله اوښتې

author avatar
17 Dec 2020 - 16:26
ننګرهار کې د ملي امنيت درېیو کارکوونکو ته مرګ ژوبله اوښتې
author avatar
17 Dec 2020 - 16:26

جلال اباد (پژواک، ۲۷ لېندۍ ۹۹): د ننګرهار په مرکز جلال اباد ښار کې د ناپېژانده وسله والو له خوا د ملي امنيت يو کارکوونکی وژل شوی او دوه نور ټپيان دي.

چارواکي وايي، د پېښې پلټنې پيل شوې او پوليس د قاتلينو په نيولو پسې ګرځي.

د ننګرهار د والي وياند عطاءالله خوږياڼي د لېندۍ په ۲۷مه پژواک خبري اژانس ته وویل، نن غرمه شاوخوا ۲ بجې او ۳۰ دقيقې د جلال اباد ښار د درېيمې ناحیې اړوند پنځم واټرپمپ ته څېرمه ناپېژاندو وسله والو د ملي امنيت پر کارکوونکو ډزې کړې دي.

دی وايي، په دې پېښه کې د امنيت يو کارکوونکی وژل شوی او دوه نور ټپيان شوي دي.

ده زياته کړه، وسله وال له سيمې په تېښته بريالي شوي، خو پوليس سيمې ته رسېدلي، پلټنې يې پيل کړې چې د پېښې عاملين ونيسي او د قانون منګولو ته يې وسپاري.

د وسیم نيازي په نوم د پېښې يوه عيني شاهد پژواک ته وويل، بريدګر په يوه ريکشا کې ناست وو، په درېيو کسانو يې ډزې وکړې او له سيمې وتښتېدل.

د دغه بريد مسووليت چا پر غاړه نه دی اخیستی.

په دې وروستيو کې جلال اباد ښار کې هدفي وژنې ډېرې شوې چې خلک يې له اندېښنو سره مخ کړي دي.

Visits: 2

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.