ایبک (پژواک، ۱۲ مرغومی ۹۹): د سمنګان د دره صوف بالا ولسوالۍ د شباشک ډبرو سکرو کان درې کارګران (اصف، امین او برات علي) د یوه استخراجي تونل نړېدو له امله مړه شوي دي.
د سمنګان امنیې قوماندانۍ ویاند منیر رحیمي د مرغومي په ۱۲مه پژواک خبري اژانس ته وویل چې دغه پېښه پرون له غرمې وروسته رامنځته شوې ده.
د هغه په خبره چې د ډبرو سکرو په دغه کان کې چې د دره صوف بالا یوه اسېدونکي حاجي امیر اړوند دی، غیر فني او خپلسرې کیندنې کېږي.
شاوخوا درې کاله مخکې هم په دغه کان کې د میتان ګاز له امله اووه کارګران مړه شوي وو.
