ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

له اوږده ځنډ وروسته د دولت او طالبانو د مرکچي پلاوو ترمنځ ناسته ترسره شوه

22 Feb 2021 - 22:29
22 Feb 2021 - 22:29

کابل(پژواک,۴کب۹۹ ): له اوږده ځنډ وروسته نن د بین الافغاني مذاکراتو د دواړو پلاوو د مشرانو او ځینو غړو ترمنځ په دوحه کې ناسته ترسره شوه.

په قطر کې د طالبانو د سیاسي دفتر ویاند ډاکتر نعیم وایي چې دغه ناسته نن ماښام د دواړو لورو ترمنځ په ښه فضا کې ترسره شوه. هغه وايي:(( نن ماښام د بين الافغاني مذاکراتو د دواړو هيئوتونو د مشرانو او ځينو غړيو تر منځ په ښه فضاء كې ناسته تر سره شوه.))

د نوموړي په خبره, په دې غونډه کې د مذاکراتو پر دوام ټينګار وشو او د اجنډا د موضوعاتو د ترتيب لپاره ټاکل شويو ګروپونو ته دنده وسپارل شوه، چې په دې اړه خپلو ناستو ته دوام ور کړي.

په قطر کې د سولې د دویم پړاو خبرو لومړۍ ناسته د روان کال د مرغومي په ۱۷مه ترسره شوې وه , دغه راز د یادو پلاوو د مشرانو یوه ناسته د مرغومي په ۲۸مه شوې وه چې له هغې نېټې تراوسه پورې د دواړو لورو ترمنځ بله ناسته نه وه شوې او د سولې خبرې په ټپه ولاړې وې.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.