کابل (پژواک، ۲۷ لېندۍ ۱۴۰۰): د هېواد د بهرنیو چارو سرپرست وزیر د اسلامي همکاریو سازمان په ناسته کې د ګډون لپاره اسلام اباد ته روان شو.
بهرنيو چارو وزارت نن په یوه ټویټ کې ویلي چې ټاکل شوې د دغه وزارت سرپرست امیرخان متقي او ورسره پلاوی د اسلامي همکاریو سازمان په ناسته کې- چې سبا په اسلام اباد کې ترسره کېږي- ګډون وکړي.
د بهرنیو چارو وزارت د ستراتیژیکو مطالعاتو مرکز رییس ولي الله شاهین ویلي چې مالي وضعیت، بانکونه او له نړۍ سره د افغانستان د اړیکو عادي کېدل د دې ناستې د اجنډا موضوعات جوړوي.
هغه زیاتوي: ((موږ د بهرنیو چارو وزارت په توګه په دې ناسته کې ګډون کوو.))
متقي د کابل نړیوال هوايي ډګر کې رسنیو ته په خبرو کې د اسلامي همکاریو سازمان یاده ناسته د افغانستان لپاره مهمه بللې او ویلي یې دي: ((اسلامي امارت هيچا ته اجازه نه ورکوي چې د افغانستان له خاورې د نورو هېوادونو پر ضد استفاده وکړي.))
Visits: 44
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن