ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په خوست کې سلګونه کیلو ګرامه نشه يي توکي وسوځول شول

په خوست کې سلګونه کیلو ګرامه نشه يي توکي وسوځول شول

author avatar
1 Jan 2022 - 17:48
په خوست کې سلګونه کیلو ګرامه نشه يي توکي وسوځول شول
author avatar
1 Jan 2022 - 17:48

خوست ښار (پژواک، ۱۱ مرغومی ۱۴۰۰): په خوست کې سلګونه کیلو ګرامه نشه يي توکي په عام محضر کې د حکومتي چارواکو له خوا وسوځول شول.

مسوولين وايي چې دغه نشه يي توکي د دغه ولايت په مرکز او ولسواليو کې د امنيتي ځواکونو د بېلابېلو عملياتو پرمهال نيول شوي دي.

په دغو نشه يي توکو کې ۱۵۸۰ کیلو ګرامه چرس، ۱۱۰۰ ليتره الکولي مشروبات، یو کیلو او درې سوه ګرامه تریاک، ۵ کیلو او سل ګرامه شیشه، ۳۴۰ ګرامه هیرویین، ۱۱۰ لیتره ایتانول او ۸۰۰ بنګدانه کیلو ګرامه شامل دي.

د خوست امنيه قوماندان مولوي محبوب شاه قانت د يادو نشه يي توکو د سوځولو پرمهال پژواک خبري اژانس ته وويل چې د نشه یي توکو د مخنیوي په برخه کې د امنيتي ځواکونو لاسته راوړنې ستايي او د لا جدي اجرااتو ډاډ ورکوي.

ورته مهال د خوست والي مولوي محمد نبي عمري بيا خپلو خبرو کې وویل چې د نوي حکومت په راتګ سره په دغه ولايت کې د جنايي جرمونو په ځانګړي ډول د نشه یي توکو د پېر او پلور پر وړاندې جدي مبارزه روانه ده.

عمري زیاته کړه، د نشه یي توکو استعمال د زياتره جنايي جرمونو زېږنده ده او د حکومت ترڅنګ د ټولنې عام وګړي هم بايد د دغه ناوړه عمل د مخنيوي په برخه کې له امنيتي ځواکونو سره همکاري وکړي.

نوموړي همدارنګه وويل، له نېکه مرغه چې خوست کې د نشه یي توکو کر او کښت صفر دی، خو ولې د معتادينو شمېر لا هم په کې زيات دی.

هغه وايي، د معتادينو د درملنې لپاره هم ځانګړي پروګرامونه تر کار لاندې لري چې ډېره ښه پايله به ولري.

Visits: 167

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.