جلال اباد (پژواک، ۱۵ وری ۱۴۰۱): د ننګرهار چارواکي وايي، د دغه ولايت د مومندرې ولسوالۍ اړوند تورخم ښارګوټي کې د بار وړونکو موټرو لپاره د ۱۰ ميليونه افغانيو په لګښت نوی سړک جوړېږي.
چارواکي وايي چې دغه کار په تورخم کې د ګڼې ګوڼې کمېدو او له ټرانسپورټي لارې د ټرانزيټي لارې بېلولو په موخه کوي.
د ننګرهار ولايت د ټولګټو چارو رييس مولوي يارمحمد محمدي پژواک اژانس ته وويل چې د ريیس الوزرا په حکم او د ماليې وزرات په همکارۍ په تورخم ښارګوټي کې د يو نوي سړک د جوړېدو چارې پيل شوې.
هغه زياته کړه چې د دغه دويم لين (نوي جوړېدونکي) سړک موخه په تورخم کې د ګڼې ګوڼې کموالی او له ټرانسپورټي لارې څخه د ټرانزيټي لارې بېلوالی ده.
دی وايي چې دغه سړک ۱۱۰۰ متره اوږدوالی لري او ۱۰ ميليونه افغانۍ لګښت پرې راځي چې پر سړک سربېره به په مومندرې ولسوالۍ کې د سېلابونو له امله يو تخريب شوی پل هم په کې ورغول شي.
بل لور ته د لويو موټرو چلوونکي د ياد سړک جوړېدو ته خوښ دي.
د دوی له ډلې سید کمال پژواک ته وويل چې ډېر کله د همدې ګڼې ګوڼې له امله په درنو کارونو بوخت ماشومان تر ټېلر موټرو لاندې کېږي او د مرګ ژوبلې سبب يې ګرځي او زیاتوي که دا سړک ورغول شي نو دا ستونزې به حل شي.
تورخم د هېواد په ختيځ کې مهم ښارګوټی دی چې له پاکستانه زياتره ټرانزيټي موټر په همدغه لار راځي او د مسافرو ګڼه ګوڼه هم په کې زياته ده.
غړيYou need to subscribe to view the full article. Please login or register a new account.
