<p style="text-align: justify;">غزني (پژواک، ٥ زمرى ۱۴۰۱): د غزني ولایت په قرهباغ ولسوالۍ کې د څلورو لوبډلو ترمنځ د واليبال پيل شوې سيالۍ پاى ته ورسېدې.</p>
<p style="text-align: justify;">دغه سيالۍ څلور ورځې مخکې د شهيد فرید، نهان خان، ملک کلا او قلبي لوبډلو ترمنځ پيل شوې وې.</p>
<p style="text-align: justify;">د غزني د ورزش امر بلال مجاهد پژواک خبري اژانس ته وويل چې د يادو سياليو وروستۍ لوبه پرون ناوخته د ملک کلا او نهان خان لوبډلو ترمنځ ترسره شوه.</p>
<p style="text-align: justify;">هغه وايي چې ملک کلا لوبډلې سیالې لوبډلې ته ماتې ورکړه او د اتلولۍ جام یې خپل کړ.</p>
<p style="text-align: justify;">د غزني د ورزش امر زياتوي چې د والیبال د دغو سیالیو موخه ورزش ته د ځوانانو هڅول دي.</p>
<p style="text-align: justify;">د والیبال دغه سیالۍ د دغه ولایت د ورزشي امریت او والیبال فدراسیون په تخنیکي همکارۍ او د افغانستان د سیمهییز حکومتولۍ او مطالعاتو ادارې (ALGSO) په مالي لګښت پيل شوې وې.</p>
<p style="text-align: justify;">په ورته وخت کې لوبغاړو له یادې موسسې او ورزشي امریته مننه وکړه چې ورزش ته د ځوانانو هڅولو په موخه یې یادې سیالۍ جوړې کړې وې.</p>
<p style="text-align: justify;">د یادونې ده، یادې موسسې پر ټولو لوبډلو ورزشي توکي لکه کرمېچ، ورزشي جامې، جال، توپونه او پر مخکښو لوبډلو جاېزې هم ووېشلې.</p>
