کابل (پژواک، ۱۸ وږی ۱۴۰۱): د افغانستان لپاره د پاکستان او روسیې ځانګړو استازو له نړۍوالې ټولنې سره د اسلامي امارت پر تعامل او د افغانستان اقتصادي ودې په اړه خبرې کړې دي.
د افغانستان لپاره د پاکستان استازي محمدصادق تېره شپه په خپل <a href="https://bit.ly/3U0Gzrg"><strong>ټوېټر</strong></a> لیکلي چې د افغانستان لپاره د روسیې له ځانګړي استازي ضمیر کابلوف سره يې په مسکو کې لیدلي دي.
دی وايي: «موږ د افغانستان د لنډه مهاله حکومت او نړۍوالې ټولنې ترمنځ د دوامدار تعامل د ملاتړ پر اړتیا ټینګار وکړ.»
هغه زیاته کړه، پاکستان او روسیه د افغانستان د وضعیت په اړه یو شان نظر لري.
صادق زیاتوي، په دغه لیدنه کې یې د امنیتي وضعیت، د افغانستان له لارې له مرکزي آسیا سره اتصال او د بشري ناورین په ګډون په ځینو نورو موضوعاتو خبرې کړې دي.
د ده په وینا، په یاده لیدنه کې یې د افغانستان د ثبات د ودې او اقتصادي فعالیتونو د پیاوړتیا لپاره د پاکستان لید او د حکومت هڅې شریکې کړې دي
