کابل (پژواک، ۲۸ تله ۱۴۰۱): لسګونه نسایي او ولادي ډاکټرانې به په یوه علمي سمپوزیم کې د سینې، رحم او غېر نورمال عملیاتو اړوند روغتیايي ستونزو په اړه بحث کوي او د حل لارو لپاره به یې خپل وړاندیزونه مطرح کړي.
دغه څرګندونې د «شفاجو روغتون» مسوولې او د نسايي او ولادي ډاکټرانو ټولنې مشرې ډاکټر نجم السما نن (د تلې ۲۸مه) په کابل ښار کې د یوه سمپوزیم د پرانیستې په مراسمو کې وکړې.
دغه سمپوزیم - چې شاوخوا ۱۵۰ نسایي او ولادي ډاکټرانو پکې ګډون کړی - د ښځو روغتیایي ستونزو، د زېږون پرمهال د ښځو مړینې کچې کمولو په اړه بحث او د افغانستان د نسایي او ولادي ډاکټرانو د ظرفیت لوړونې په موخه جوړ شوی دی.
نوموړې زیاتوي، د دغه سپموزیم ګډونوال به د سینې او رحم سرطانونو او غیر نورمال عملیاتو په څېر جدي روغتیايي ستونزو په اړه خپلې علمي مقالې وړاندې کوي او پر دغو موضوعاتو به بحث او د نظر تبادله کېږي.
هغه د دغه ډول عملي سمپوزيمونو جوړول د ډاکټرانو ظرفيت لوړولو لپاره مهم بولي او وايي، د دغه سمپوزیم ګډونوال ډاکټران د یو بل له تجربو زدهکړه کوي او د طب په برخه کې له پرمختګونو او لاستهراوړنو څخه خبرېږي.
د دغه سمپوزیم یوې ګډونوالې ډاکټر شینکۍ وردګ وویل، سمپوزیم ډېر ښه دی، د ډاکټرانو علمي پوهې کچه لوړېږي.
نوموړې وایي، په دغه سمپوزیم کې چې کومې علمي مقالې وړاندې کېږي، اړینې موضوعګانې انتخاب شوې دي.
غړيYou need to subscribe to view the full article. Please login or register a new account.
