<p style="text-align: justify;">کابل (پژواک، ٣ لړم ۱۴۰۱): د افغانستان کرکټ ملي لوبډله د نړۍوال شل اووریز جام سیالیو په لړ کې خپله دویمه لوبه سبا د نیوزلنډ پر وړاندې ترسره کوي.</p>
<p style="text-align: justify;">دغه لوبه د افغانستان پر وخت د غرمې دوولس نیمې بجې پيلېږي.</p>
<p style="text-align: justify;">دغه لوبه د اسټرالیا د ملبورن ښار د کرکټ په لوبغالي کې ترسره کېږي.</p>
<p style="text-align: justify;">دغه راز د افغانستان کرکټ بورډ تېره ورځ په خپله فېسبوک پاڼه کې لیکلي وو چې افغان کرکټ ملي لوبډله د ملبورن ښار ته رسېدلې ده.</p>
<p style="text-align: justify;">د یادونې ده، افغان کرکټ ملي لوبډله خپله درېیمه لوبه د اکتوبر په ۲۸مه له ایرلینډ سره ترسره کوي.</p>
<p style="text-align: justify;"></p>
