کندوز (پژواک، ١۴ لړم ۱۴۰۱): د کندوز د کرنې او مالدارۍ ریاست مسوولین وایي، سږ کال په دغه ولایت کې شاوخوا ۴۵۰ ټنه کبان تولید شوي چې د تېر کال په پرتله ۵۰ سلنه زیاتوالی ښیي.
په همدې حال کې، د کندوز ولایت د کبانو فارملرونکي وایي، له یوې خوا له بهرنیو هېوادونو څخه وارد شوو کبانو د دوی بازار زیانمن کړی او له بلې خوا، د کبانو د خوراکي توکو د بیو لوړېدو او د حکومت نه پاملرنې د دوی پر کاروبار منفي اغېزې کړې دي.
د کندوز د کرنې رياست د مالدارۍ او حیواني روغتیا امر نجيبالله حسن پژواک ته وويل، په تېر یوه کال کې د کبانو فارمونه او د کبانو تولیدات ډېر شوي دي.
نوموړی د دغه کار لامل د کبانو له ساتنې سره د خلکو د لېوالتیا زیاتوالی بولي او وايي، هڅه کوي چې د همکارو موسسو او حکومت له لارې له فارملرونکو څخه ډېر ملاتړ وکړي.
هغه زیاته کړه:«سږ کال د کندوز له ۳۰۰ فارمونو څخه ۴۵۰ ټنه کبان ترلاسه شوي او که له تېر کال سره پرتله شي نو ۵۰ سلنه زیاتوالی ښیي.»
حسن د کبانو د تولیداتو زياتوالي لامل د خوراکي توکو وېش، د اکسيجن په تولید کې اسانتیا رامنځته کېدل او فارملرونکو ته د حکومت نه پاملرنه بولي.
له بلې خوا، په کندوز کې د کبانو فارملرونکي د کبانو د خوراکي توکو لوړه بیه او له بهر څخه د کبانو واردول د دوی پر وړاندې جدي ننګونه ګڼي.
د کندوز د کبانو د اتحادیې مشر عطاالله سالارزی وايي، تېر حکومت د کبانو فارمونو ته هېڅ پاملرنه نه ده کړې، خو اوسنی حکومت باید ورته جدي پاملرنه وکړي.
نوموړي وویل: «د کندوز فارملرونکي دوه عمده ستونزې لري؛ یوه دا چې د کبانو خوراکي توکو بیې لوړې شوې او بله ستونزه دا چې د اکسیجن د تولید لپاره ماشین نه لري چې د اکسیجن ماشین ته زیاته اړتیا لرو.»
یو شمېر نور فارملرونکي هم له حکومت او مرستندویه موسسو څخه په دې برخه کې د ملاتړ غوښتونکي دي.
د کندوز د مالدارۍ او حیواني روغتیا امریت چارواکي وایي چې د کندوز په فارمونو کې د تولید شوو کبانو کیفیت له وارداتي کبانو په ځلونو ښه دي او دغهراز د کبانو غوښې تولید له پلوه د کندوز ولایت د ځان بسیاینې خبره کوي.
غړيYou need to subscribe to view the full article. Please login or register a new account.
