لښکرګاه (پژواک ، ۲۱ لړم ۱۴۰۱): د هلمند د صنعت او سوداګرۍ ټولنې مسوولین وايي، په دغه ولایت کې د دوو ورځو په اوږدو کې د پنبې پروسس او د غوړیو تولید دویمه فابریکه هم فعاله شوه.
د دغه ولایت د صنعت او سوداګرۍ ټولنې رییس غلام یحیی پښتون پژواک خبري اژانس ته وویل، پرون د مرکز لښکرګاه د درېیمې امنیتي حوزې په بولان سیمه کې د پنبې د پروسس او د غوړیو تولید دویمه فابریکه فعاله شوه او د تولید چارې يې پيل کړې.
هغه زیاته کړه، اوس د دغه ولایت صنعت د ودې په حال کې دی او په دې برخه کې سوداګرو پانګونه ډېره کړې ده.
په لښکرګاه کې د دغه نوې فعالې شوې فابريکې مالک حاجي ملا عبدالجبار پژواک اژانس ته وویل: «د ۴۰ میلیون افغانیو په لګښت مې د پنبې د پروسس او غوړیو د تولید نوې فابريکه جوړه او فعاله کړه.»
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن