اټلانټا (پژواک، ۴ لېندۍ ۱۴۰۱): د فوټبال نړۍوال جام سیالیو په لړ کې، برازیل، سویس او پرتګال خپلو سیالانو ته په ماتې ورکولو سره لومړۍ بریاوې خپلې کړې.
ددې سیالیو په لړ کۍ لومړۍ لوبه د سویس او کمیرون ترمنځ ترسره شوه، چې یو پر صفر د سویس په بریا پای ته ورسېده.
د ورځې دویمه لوبه د یوراګوی او سویلي کوریا ترمنځ ترسره شوه، چې مساوي شوه.
درېمه لوبه د پرتګال او ګانا ترمنځ ترسره شوه، چې له یوې په زړه پورې لوبې وروسته پرتګال درې پر دوه ګولونو وګټله.
د ورځې وروستۍ لوبه د برازیل او سربیا ترمنځ ترسره شوه، چې برازیل دوه پر صفر وګټله.
د ۳۲ هېوادونو لوبډلو په ګډون سره د فوټبال نړۍوال جام سیالۍ د لړم په ۳۰مه، په قطر کې پیل شوې دي.
په دې سیالیو کې ګډونوال ۳۲ هېوادونه په اتو ګروپونو کې وېشل شوي او په هر ګروپ کې د څلورو هېوادونو لوبډلې شاملې دي.
د فوټبال نړۍوال فدارسیون (فیفا) وایي، په الف ګروپ کې قطر، اېکواډور، سنیګال او نیدرلینډ، په ب ګروپ کې انګلستان، ایران، امریکا او ویلز، په سي ګروپ کې ارجنټاین، سعودي عربستان، مکسیکو او پولینډ، په دال ګروپ کې فرانسه، اسټرالیا، ډنمارک او تونس لوبډلې شاملې دي.
د سرچینې په وینا، دغهراز په ي ګروپ کې هسپانیه، کوسټاریکا، جاپان او جرمني، په ف ګروپ کې بلجیم، کاناډا، مراکش او کروشیا، په جي ګروپ کې برازیل، سربیا، سویس او کمیرون، په ایچ ګروپ کې پرتګال ، غانا، یوراګوی او د جنوبې کوریا لوبډله شامله ده.
د فیفا د معلوماتو له مخې، په دې سیالیو کې ټولې شاوخوا ۶۴ لوبې، په اتو لوبغالو کې، په یوه میاشت کې ترسره کېږي.
غړيYou need to subscribe to view the full article. Please login or register a new account.
