بهرنیو چارو وزارت: پراګ کې د افغانستان سفارت له حاکم نظام سره په اړیکه کې دی

<p style="text-align: justify;">کابل (پژواک، ۶ لېندۍ ۱۴۰۱): د بهرنیو چارو وزارت وايي، په پراګ کې د افغانستان سفارت له واکمن نظام سره په اړیکه کې دی او هېوادوالو ته اړین خدمتونه وړاندې کوي.</p>

<p style="text-align: justify;">د بهرنیو چارو وزارت مرستیال ویاند حافظ ضیاء احمد تکل پر خپله ټوېټرپاڼه <a href="https://twitter.com/HafizZiaAhmad1/status/1596770833636069376/photo/2"><strong>لیکلي</strong></a> چې په پراګ کې د افغانستان سفارت د خپل هېواد استازيتوب کوي او په هېواد کې له حاکم نظام سره په تماس کې دی.</p>

<p style="text-align: justify;">دی وايي: «د افغانستان سفارت له هر ډول توپیر پرته د سفارت ټولو محترمو مراجعینو ته خبر ورکوي چې سفارت د هېوادوالو د ستونزو د حل او ورته د اړینو خدمتونو د وړاندې کولو لپاره، په کابل کې د بهرنیو چارو وزارت سره په تعامل کې دی.»</p>

<p style="text-align: justify;">هغه زیاته کړې، د رسمي کاري ساعتونو په جریان کې هېوادوال کولای شي چې د قونسلي خدماتو لپاره سفارت ته مراجعه وکړي.</p>

<p style="text-align: justify;">د یادولو ده چې له څو کلونو راهیسې په پراګ کې د افغانستان سفیر شهزاد اریوبي دی.</p>