کابل (پژواک، ۲۲ مرغومی ۱۴۰۱): د افغانستان بانک وایي چې پر منقولو مالونو د رهني حقونو د ثبت سیستم - چې مخکې د تخنیکي ستونزو له امله له کاره لوېدلی و- پرته له کوم اضافي لګښته بېرته فعال شو.
رهن، ګرو اېښودلو ته وایي، یا په بل عبارت، رهن د ثبوت، دوام او حبس په معنا هم راځي؛ یعنې د یو شي یا مال حبس کول یا ساتل د یو حق په بدل کې څو یې له لارې حق لاسته راوړل شي.
د افغانستان بانک په خبرپاڼه کې راغلي چې د افغانستان بانک پر منقولو مالونو د رهني حقونو د ثبت سیستم(CR SYSTEM) چې مخکې د تخنیکي ستونزو له امله له کاره لوېدلی و، د افغانستان بانک دننه له غوره معیارونو او اغېزمنتیا سره، پرته له کوم اضافي مصرفه چمتو شوی دی.
سرچینې نه دي لیکلي چې یاد سیستم څه وخت غیرفعال شوی و.
په خبرپاڼه کې راغلي، په یو ورکشاپ کې د دغه بانک له کارکوونکو سره د رهني حقونو د ثبت نوي سیستم د جوړښت، خوندیتوب او له سیستمه په عملي ډول ګټه اخیستنې په اړه بشپړ معلومات شریک شول.
GET IN TOUCH
NEWSLETTER
SUGGEST A STORY
PAJHWOK MOBILE APP