جلالاباد (پژواک، ۲۵ مرغومی ۱۴۰۱): د ننګرهار سينديزې حوزې ریاست وايي، د دغه ولايت په خوږياڼو ولسوالۍ کې د خوړو په بدل کې کار پروګرام له لارې د بيارغونې ۴۴ پروژې بشپړې شوې دي.
چارواکي وايي، په دغو پروژو کې د کانالونو پاکول، د فرعي سړکونو بيارغونه او نورې چارې شاملې دي.
د ننګرهار سينديزې حوزې رييس سید فضلاحد هاشمي وايي، د دغه ولايت په خوږياڼو ولسوالۍ کې يې د خوړو په بدل کې کار پروګرام له لارې ۴۴ د بيارغونې وړې پروژې بشپړې کړې دي.
هغه زياته کړه، په دغو پروژو کې د ۱۰۴ کيلومټر کانالونو پاکولو ترڅنګ، د سړکونو او ويالو بيارغول هم شامل دي.
د هاشمي د معلوماتو له مخې، په یادو پروژو کې ۱۱زره او ۳۴۶ کسانو ته د ورځمزدورۍ زمينه برابره شوې وه چې د شپږو مياشتو په موده کې ورته د هرې کاري ورځې په بدل کې ۱۰ کيلوګرام غنم ورکول کېدل.
نوموړی وايي، په يو شمېر نورو ولسواليو کې هم د ورته پروژو چارې روانې دي چې زرګونه کسانو ته پکې د کار زمينه برابره شوې او په نږدې وختونو کې به بشپړې شي.
عام خلک هم د سينديزې حوزې له دغو پروژو خوښ دي.
نصيبالله چې د خوږياڼو ولسوالۍ د بر بهار سيمې اوسېدونکی دی وايي، له تېرو شپږو مياشتو يې په دغو پروژو کې کار کړی چې د هرې ورځې کار بدل کې ورته لس کيلوګرام غنم ورکړل شوي دي.
چارواکي وايي، د دغو پروژو موخې خلکو ته د کار زمينې برابرول، د بېوزلۍ کچې کمول او د بيارغونې پروژو پلې کول دي.
غړيYou need to subscribe to view the full article. Please login or register a new account.
