<p style="text-align: justify;">کابل (پژواک، ۱۸ سلواغه ۱۴۰۱): د راپورونو پر بنسټ، په ترکیه او سوریه کې د مرګونې زلزلې له امله د مړو شمېر پنځه زره کسانو ته رسېدلی دی.</p>
<p style="text-align: justify;">رویټرز خبري اژانس نن (سهشنبه) په یوه <strong><a href="https://www.reuters.com/world/middle-east/earthquake-death-toll-turkey-syria-surpasses-5000-2023-02-07/پ">راپور</a> </strong>کې ویلي چې له دې ډلې ۳۴۱۹ کسان په ترکیه او ۱۵۸۱ نور په سوریه کې مړه شوي دي.</p>
<p style="text-align: justify;">په ورته وخت کې، د اناتولي خبري اژانس هم په یوه <strong><a href="https://www.aa.com.tr/fa/%d8%aa%d8%b1%da%a9%db%8c%d9%87/%d8%b4%d9%85%d8%a7%d8%b1-%d9%82%d8%b1%d8%a8%d8%a7%d9%86%db%8c%d8%a7%d9%86-%d8%b2%d9%84%d8%b2%d9%84%d9%87-%d8%af%d8%b1-%d8%aa%d8%b1%da%a9%db%8c%d9%87-%d8%a8%d9%87-3-%d9%87%d8%b2%d8%a7%d8%b1-%d9%88-419-%d9%86%d9%81%d8%b1-%d8%b1%d8%b3%db%8c%d8%af/2809223">راپور</a> </strong>کې ویلي چې د دغې زلزلې له امله لږ تر لږه ۲۰ زره ۵۳۴ کسان په ترکیه کې ټيپان شوي دي.</p>
<p style="text-align: justify;">د راپور له مخې، تر اوسه له ۸ زره ډېر زلزلهځپلي له خاورو لاندې ایستل شوي او همداراز ۳۲۹۴ مرستندویه کسان له نورو هېوادونو ترکيې ته رسېدلي دي.</p>
<p style="text-align: justify;">دا په داسې حال کې ده چې په تېرو ۲۴ ساعتونو کې د ریختر په کچه مختلفو درجو، درېیو زلزلو د ترکیې او سوریې ځینې سیمې لړزولې دي.</p>
<p style="text-align: justify;">د یادونې ده، دا شمېرې نهايي نه دي او د زياتېدو اټکل یې شته.</p>
