فیضاباد (پژواک، ۲۱ سلواغه ۱۴۰۱): د بدخشان په مرکز او ځینو ولسوالیو کې له تېرې شپې راهیسې د واورې ورېدو له امله، د لسو ولسوالیو لارې د دغه ولایت له مرکز سره تړل شوې دي.
د راپورونو له مخې، د راغستان، کوهستان، یاوان، نسي، شکي، مایمي، کوف اب، خواهان، واخان او شغنان ولسوالیو لارې د بدخشان له مرکز سره تړل شوې دي.
د یو شمېر ولسوالیو اوسېدونکو له پژواک اژانس سره په ټېلیفوني اړیکه کې وویل چې د سختې واورې ورېدو او پرلهپسې برف کوچونو له امله له مرکز سره د دوی د ولسوالیو لارې بندې شوې دي.
د راغستان ولسوالۍ یوه اوسېدونکي احمد ولي له ځايي مسوولینو وغوښتل چې د دغو لارو خلاصولو برخه کې اقدام وکړي.
په همدې حال کې، د بدخشان د اطلاعاتو او فرهنګ رییس معزالدین احمدي تاییدوي چې تر اوسه له ۱۰ ډېرو ولسوالیو لارې د ولایت له مرکز سره تړل شوې دي.
هغه وايي، لا هم په ځینو سیمو کې واوره ورېږي او سیمهییزه اداره د خلکو ستونزو ته د رسېدو لپاره هڅې کوي.
احمدي زیاته کړه: «په وروستیو درېیو ورځو کې د پرله پسې واورې ښوېیدو له امله درې هېوادوال په راغستان ولسوالۍ کې ټپیان شوي او لږ تر لږه دوه کسان د راغستان په سیا اب کلي کې او د بدخشان په نورو سیمو کې شهیدان شوي دي او د دغه شمېر د تغییر امکان شته.»
غړيYou need to subscribe to view the full article. Please login or register a new account.
