پل علم (پژواک، ۲۹ سلواغه ۱۴۰۱): د لوګر د ملي المپيک ادارې چارواکي وایي، د دغه ولایت په مرکز پل علم کې د هېواد په کچه د اتو ولایتونو لوګر، پکتیا، خوست، میدان وردګ، هرات، غور او فراه ترمنځ د کبډي څلور ورځنۍ سیالۍ وشوې.
د دغه ولایت د المپیک ادارې امر مزمل نعیمزي پژواک خبري اژانس ته وویل، دغه سیالۍ د افغانستان ملي المپيک ادارې له لوري د هېواد په کچه د اتو ولایتونو د ۱۲ لوبډلو ترمنځ پيل شوې وې چې څلور ورځې یې دوام وکړ.
هغه زیاته کړه، د یادې سیالۍ پایلوبې ته خوست او فراه ولایتونو لاره پيدا کړه چې خوست لومړی، فراه دویم او لوګر درېیم مقام خپل کړ.
نوموړی وایي: «د کبډي سیالیو د جوړولو موخه د هېواد په کچه د دغې نسبتا هېرې شوې لوبې بیا را ژوندۍ کول او همدارنګه د هېواد په کچه د کبډي لوبغاړو ترمنځ همغږي جوړول دي.»
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن