کابل (پژواک، ۵ کب ۱۴۰۱): د کابل ښاروالي وایي، د ځینو ودانیزو پروژو په ځانګړې توګه د سړک جوړونې پروژو پلې کولو چارې -چې د ژمي د سړې هوا له امله درېدلې وې- بېرته پیلېږي.
د کابل ښاروالۍ دغه څرګندونې په یوه خپره شوې اعلامیه کې کړې دي.
سرچینې لیکلي، د ودانیزو معیارونو په پامنیوي سره او د زیربنایي پروژو د ښه کیفیت د تضمین په موخه، د کابل ښاروالۍ مشرتابه څه موده وړاندې اړوندو مسوولانو ته سپارښتنه کړې وه چې د هوا تر ښه کېدو پورې دې د قیر او کانکريټ کولو چارې د لنډ وخت لپاره نه ترسره کوي.
په خبرپاڼه کې راغلي، په پام کې ده چې په نږدې ورځو کې د ګڼو پروژو د قیر او کانکریټ کولو چارې پیل شي.
کابل ښاروالۍ له له ټولو ښاریانو غوښتي چې د پروژو د پلې کېدو پر مهال دې خنډ نه جوړوي او له دغې ادارې سره دې مرسته وکړي.
Visits: 114
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن