کابل (پژواک، ۱۲ حوت ۱۴۰۱): د ملګرو ملتونو سازمان د وحشي ژوو نړۍوالې ورځې (مارچ درېیمې) په رارسېدو سره وايي، په نړۍ کې يو ميليون ډوله ژوي د ورک کېدو له ګواښ سره مخ دي.
د ملګرو ملتونو سازمان په ۲۰۱۳ زېږديږ کال کې د مارچ درېیمه د وحشي ژوو په نوم نومولې ده.
د ملګرو ملتونو سارمان مشر انتونيو ګوترېش نن د يادې ورځې په مناسبت پر خپل ټويټر ليکلي چې دا مهال په نړۍ کې د انساني فعاليتونو له امله يو ميليون ډوله ژوي د ورک کېدو له ګواښ سره مخ دي.
هغه لیکلي: «موږ د طبیعت پر وړاندې د دې جګړې پای ته رسولو لپاره وسایل او پوهه لرو.»
ګوتریش له ټولو غوښتي چې يادو ژوو ته د طبیعې استونګې په ساتنه او د ښې راتلونکې په جوړولو کې خپل مسوولیت ادا کړي.
د راپورونو له مخې، جګړې، بېوزلي، د ځنګلونو وهل، د ټکنالوجۍ چټک پرمختګ، د هوا ککړتیا او په چټکتیا سره د ښاري سیمو پراخېدل هغه لاملونه دي چې د وحشي ژوو د ژوند کړۍ یې تنګه کړې ده.
د افغانستان چاپېریال ساتنې ملي ادارې شاوخوا څلور کاله مخکې د ۱۵۰ ډوله وحشي ژوو او کم پیدا مرغانو نوملړ خپور او ښکار یې منع اعلان کړی دی.
غړيYou need to subscribe to view the full article. Please login or register a new account.
