کابل (پژواک، ۱۹ غویی ۱۴۰۲): د افغانستان کرکټ بورډ وایي، د کرکټ ملي لوبډله د راتلونکې جون میاشتې په لومړیو کې د درېیو نړۍوالو یو ورځنۍ لوبو ترسره کولو په موخه سریلانکا ته سفر کوي.
د افغانستان کرکټ بورډ نن (د غويي ۱۹مه) په یوه خبرپاڼه کې ویلي، افغان کرکټ ملي لوبډله د جون میاشتې په دویمه، څلورمه او په اوومه نېټو له سریلانکا سره درې نړۍوالۍ یو روځنۍ لوبې کوي.
سرچینه زیاتوي، د افغانستان او سریلانکا ترمنځ راتلونکې درې نړۍوالې یو ورځنۍ سیالۍ به په روان ۲۰۲۳ کال کې د کرکټ نړۍوال جام سیالیو لپاره د افغان لوبډلې په چمتووالي کې مهم رول ولري.
د دغه بورډ په وینا، د افغانستان کرکټ ملي لوبډلې له مخکې د نړۍوال جام سیالیو ته په مستقیم ډول لار موندلې او د غوراوي پړاو سیالیو کې د لوبېدو اړتیا ورته نشته.
د کرکټ بورډ معلوماتو له مخې، د سریلانکا کرکټ ملي لوبډلې د ۲۰۲۳ کال پنځوس اوریز نړۍوال جام سیالیو ته په مستقیم ډول لاره نه ده موندلې او یادو سیالیو ته د لارموندنې په موخه باید د غوراوي پړاو لوبو کې برخه واخلي او په دغو سیالیو کې پایلوبې ته له رسېدو وروسته به نړۍوال جام ته لاره مومي.
د یادونې ده، اوس مهال د افغانستان کرکټ ملي لوبډلې یو شمېر لوبغاړي د هندوستان غوره لیګ سیالیو او ځیني نور بیا د هېواد په کورنیو لوبو کې مصروف دي.
غړيYou need to subscribe to view the full article. Please login or register a new account.
