جلالاباد (پژواک، ٢٦ غويی ۱۴۰۲): د ننګرهار په چپرهار ولسوالۍ کې د ملګرو ملتونو د کډوالۍ نړۍوال سازمان له خوا د ۲۱۷ زره امریکايي ډالرو په لګښت د نجونو يوه ښوونځي ته ودانۍ جوړه شوه.
چارواکي وايي، دغه ودانۍ پر عصري وسایلو سمباله ده او مجهز لابراتوار او کمپيوټرخونه هم لري.
د ننګرهار ولايت د پوهنې رياست وياند فرهاد احمد ستانکزي نن (د غويي ۲۶مه) پژواک اژانس ته وويل، د چپرهار ولسوالۍ د کنډيباغ د نجونو لېسې لپاره ودانۍ جوړه شوه.
هغه زياته کړه، پر يادې ودانۍ د ملګرو ملتونو د کډوالۍ نړۍوال سازمان يا IOM ادارې ۲۱۷ زره ډالر لګښت راغلی دی.
نوموړي زياته کړه: «ياده ودانۍ ۸ تدريسي او ۲ اداري خونې، ۴ منظم او مجهز تشنابونه چې يو په کې معيوبو زدهکوونکو ته ځانګړى شوى، دوه دانې د اوبو ذخيرې، د کمپيوټرلېب او ساينس لېب لپاره دوه خونې او ۴۱۰ متره احاطوي دېوال لري.»
چارواکي وايي، په ننګرهار کې سلګونه ښوونځي ودانۍ نه لري چې دوی يې د مرستندويه ادارو او د دولت د بودجې پر مټ د جوړولو پلان لري.
غړيYou need to subscribe to view the full article. Please login or register a new account.
