مهترلام (پژواک، ۱۶ غبرګولى ۱۴۰۲): د لغمان ولايت په دولتشاه ولسوالۍ کې پر دولتي ځمکه د يوه سوداګريز ښارګوټي جوړولو چارې يپل شوې.
د اړوندې موضوع په اړه جوړې شوې غونډې ته د دولتشاه ولسوال قاري عبدالقاهر متوکل وویل چې له ولایتي ادارې سره په همغږۍ په دې ولسوالۍ کې د يوه سوداګريز ښارګوټي د جوړولو چارې پيل شوې چې زر هټۍ به ولري.
هغه وويل، دغه ځمکه هټۍوالو ته په اجاره ورکړل شوې چې د دوی په شخصي لګښت په دوو پوړونو کې هټۍ پکې جوړوي.
بل لورته هټۍوال هم د یاد ښارګوټي جوړولو ته خوښ دي.
د دولتشاه ولسوالۍ اړوند د مورا بازار د هټۍوالو اتحادیې مشر صفتالله پژواک ته وویل چې د دغه سوداګريز ښارګوټي جوړول يو مثبت اقدام دى.
هغه وايي: «د دغه ښارګوټي په جوړېدو سره به هم د دوکاندرانو او هم د خلکو ستونزې را کمې شي.»
دغهراز يوه هټۍوال عبدالحق پژواک ته وويل چې حکومت بايد په یاد ښارګوټي کې د برېښنا ترڅنګ، د پاکو اوبو او تشنابونو اسانتياوې هم رامنځته کړي.
د يادونې ده، دا مهال په دولتشاه ولسوالۍ کې د چنډال، فرشغان، مورا او بانډه ډور په نومونو بازارونه شته دي.
غړيYou need to subscribe to view the full article. Please login or register a new account.
