کابل (پژواک، ۲۲ غبرګولی ۱۴۰۲): د راپورونو له مخې، په اسټرالیا کې د واده بس چپه کېدو پښه کې لس کسان مړه او ۲۵ نور ټپیان شوي دي.
امریکا غږ په یو راپو کې ویلي، د اسټرالیا د سډني ښار په شمالي برخه کې تېره شپه ناوخته د واده موټر چپه شوی چې له امله یې لس کسان مړه او ۲۵ نور ټپیان شوي دي.
سرچینې د ځایي چارواکو له قوله ویلي، د مړه شوو شمېر ښایي له دې هم لوړ شي؛ ځکه د ځینو ټپیانو روغتیایي حالت ښه نه دی او په چورلکه کې روغتون ته لېږدول شوي دي.
سرچینه زیاتوي، د اسټرالیا لومړي وزیر انتوني البانیز پر دې پېښه خواشیني څرګنده کړې ده، ویلي یې دي: «د واده مراسم تل له خوښۍ ډک وي، په دا ډول پای ته رسېدل یې ډېر ظالمانه او له خپګان څخه ډک وي.»
د اسټرالیا لومړي وزیر زیاته کړې، خلک په ودونو کې بس موټر د دې لپاره کرایه کوي څو خپل مېلمانه خوندي کړي خو دا ډول پېښې خواشينوونکي وي.
بلخوا، رویټرز په خپله ټویټرپاڼه کې لیکلي، په دې پېښه کې لس کسان مړه شوي او ۲۵ نور ټپیان دي.
که څه هم تر اوسه د پېښې اصلي لامل نه دى څرګند خو ډېرى مهال دغه شان پېښې د موټرچلوونکو بېاحتياطۍ له امله کيږي.
غړيYou need to subscribe to view the full article. Please login or register a new account.
