کابل (پژواک، ۲۹ غبر ګولی ۱۴۰۲): د سوداګرۍ او پانګونې خونې مسوولین وایي، د راروانې چنګاښ میاشتې په ۲۵مه په کابل کې د «امام ابوحنیفه» په نوم د کورنیو تولیداتو دویم ملي اووه ورځنی نندارتون چې د سیمې یو شمېر هېوادونو شرکتونه به هم ګډون په کې ولري، جوړيږي.
دغه څرګندونې د سوداګرۍ او پانګونې خونې سرپرست او لومړي مرستیال یونس مومند نن په کابل کې یوې غونډې ته وکړې او ويې ویل، په یاد نندارتون کې به د کورنیو شرکتونو په ګډون یو شمېر بهرني، لکه د پاکستان، هند، ایران او ترکیې شرکتونه، سوداګر او صنعتکاران هم ګډون وکړي.
هغه زیاته کړه، په یاد نندارتون کې به سلګونه کورنیو او بهرنیو شرکتونو ته ۱۰۰۰ غرفې جوړې شي څو خپل توکي نندارې ته وړاندې کړي.
نوموړي د دغه نندارتون جوړېدو موخه خصوصي سکټور او کورنیو تولیداتو ته وده ورکول وښودل.
د تېر ۱۴۰۱ لمریز کال د لېندۍ په ۱۰مه هم ورته نندارتون په کابل کې جوړ شوی و چې لس ورځې يې دوام وکړ.
مومند دغه راز وویل، د افغانستان سوداګر له نړۍ مالي مرسته نه، بلکې د ظرفیت لوړونې او تخنیکي برخو کې مرسته غواړي.
نوموړي له حکومته هم وغوښتل چې افغان بزګوانو ته دې د نشهیي توکو بدیل برابر کړي.
په غونډه کې د سوداګرۍ او پانګونې خونې د مدیره پلاوي غړي خانجان الکوزي وویل، یاد نندارتون به له تېر نندارتونه په لوړه کچه جوړ شي.
دی وایي، لکه څنګه چې تولید او مارکېټ مهم دي، داسې نندارتونونه هم مهم دي.
هغه له حکومت او عامو هېوادوالو وغوښتل چې د بهرنیو تولیداتو پر ځای دې له کورنیو تولیداتو ګټه واخلي څو افغانستان له اقتصادي اړخه پر خپلو پښو ودرېږي.
هغه زیاتوي، ټاکل شوې د روان ۱۴۰۲ لمریز کال په لړ کې په بهر کې هم د افغانستان د داخلي تولیداتو نندارتون جوړ شي.
غړيYou need to subscribe to view the full article. Please login or register a new account.
