۱۷ ټانکره بې‌کیفیته ګاز له تورغوندۍ بندره بېرته ترکمنستان ته ګرځول شوي

کابل (پژواک، ۱۹ چنګاښ ۱۴۰۲): د افغانستان د سټنډرډ ملي اداره وايي، له ترکمنستانه وارد شوي ۱۷ ټانکره بې‌کیفیته ګاز یې د هرات تورغوندۍ بندره بېرته یاد هېواد ته ګرځولي دي.

د سټنډرډ ملي ادارې نن په خپله ټويټرپاڼه  کې ليکلي چې دغه ګاز د یاد بندر له لارې افغانستان ته راوړل کېدل.

سرچينه زياتوي، د بې‌کیفیته ګازو د واردولو مخنیوي لپاره په جدیت سره عملي ګامونه پورته کوي.

سرچینې زیاته کړې، دغې ادارې نه یوازې د تېلو، بلکې د ګازو کیفیت برخه کې هم کوټلي ګامونه پورته کړي دي.

د یادونې ده چې درې ورځې مخکې هم یادې ادارې تورغندۍ بندر کې ۲ ټانکره بې‌کیفیته ګاز بېرته ترکمستان ته وګرځولي وو.