کابل (پژواک، ۲۴ چنګاښ ۱۴۰۲): د کابل – کندهار لویې لارې اړوند د کابل له ارغندۍ سیمې بیا د میدانوردګو ولایت تر دراني بازاره پر ۲۷ کیلومتره سړک د قیر اچولو کار پیل شو.
د ریاستالوزراء اقتصادي معاونیت په خبرپاڼه کې راغلي، پر دغه سړک قیراچونه نن د دغه معاونیت د مرستیال ملا عبدالغني برادر له خوا د یو لړ مراسمو په ترڅ کې پيل شوه.
سرچینې لیکلي، په یادو مراسمو کې د ټولګټو وزارت سرپرست ملا محمدعیسی ثاني، د کابل او میدانوردګو ولایتي چارواکو او د خصوصي سکټور یو شمېر استازو ګډون درلود.
د کابل – کندهار لویې لارې بیارغونې چارې پر ۷ برخو وېشل شوي او څه موده مخکې په بېلابېلو سیمو کې پیل شوي دي.
login or register a new account.
