<p style="text-align: justify;">کابل (پژواک، ۲۵ چنګاښ ۱۴۰۲): د افغانستان د پوهنې وزارت وایي، هغه انځورونه بېبنسته دي چې په ټولنیزو پاڼو کې د نوي تعلیمي نصاب په اړه لاس په لاس کېږي.</p>
<p style="text-align: justify;">له څو ورځو راهیسې یو شمېر کسان پر ټولنیزو پاڼو ځیني انځورونه خپروي او وایي چې د پوهنې وزارت د نوي ښوونیز نصاب اړوند دي.</p>
<p style="text-align: justify;">په دغو انځورونو کې د اسلامي امارت د ځینو مشرانو انځورونه او د هغوی پېژندګلوۍ په اړه معلومات تر سترګو کېږي چې ګواکې د تعلمي نصاب برخه ده.</p>
<p style="text-align: justify;">پوهنې وزارت په دې اړه په یوه اعلامیه کې ویلي: «د پوهنې وزارت دا ډول بېځایه اوازې په کلکه ردوي او بېبنسڼته یې بولي.»</p>
<p style="text-align: justify;">دغه وزارت لیکلي، ځیني کسان دا انځورونه د ځانښودنې او د نورو د فکرونو خرابولو لپاره کښته او پورته کوي.</p>
