کابل (پژواک، ۲۶ چنګاښ ۱۴۰۲): د ریاستالوزراء اقتصادي معاونیت وایي، ملي تدارکاتو کمېسيون د یو میلیارد افغانیو په لګښت ۱۶ بېلابېلې پروژې منظورې کړې.
د ریاستالوزراء اقتصادي معاونیت پر خپله ټوېټرپاڼه لیکلي، د ریاستالوزراء اقتصادي مرستیال ملا عبدالغني برادر اخوند په مشرۍ د ملي تدارکاتو کمېسیون نوبتي غونډه نن دوشنبه د چنګاښ میاشتې په ۲۶مه نېټه په مرمرینه ماڼۍ کې ترسره شوه.
په دغه ټویټ کې ویل شوي، په یاده غونډه کې د ملي تدارکاتو کمېسیون ته ۱۸ پروژې د بحث لپاره وړاندې شوې وې چې له ډلې یې د ۱۶ پروژو قراردادونه منظور او د دوو وځنډول شول.
سرچینې ویلي، منظور شوې پروژې د ملي دفاع وزارت، مالیې وزارت، د اوبو او برېښنا وزارت، لوړو زدهکړو وزارت، د افغانستان بانک، د افغانستان برېښنا شرکت، کابل ښاروالۍ او د افغانستان د ګاز او نفتو دولتي شرکت اړوند دي.
اقتصادي معاونیت ویلي، د دغو پروژو ټولیز لګښت شاوخوا یو میلیارد افغانیو ته رسېږي.
سرچینه زیاتوي، د منظور شوو پروژو له ډلې د ځینو پروژو اړوندو سکټوري وزارتونو او ادارو ته لازمې سپارښتنې شوي څو په ټاکلي وخت خپلې پروژې د بحث او منظورۍ لپاره ملي تدارکاتو کمېسیون ته راولېږي او په دې برخه کې ټول تدارکاتي پړاوونه په ښه ډول ترسره کړي.
غړيYou need to subscribe to view the full article. Please login or register a new account.
