[restrict paid="true"]
<p style="text-align: justify;">اټلانټا (پژواک، ۳۰ چنګاښ ۱۴۰۲): د عامې روغتیا وزارت وزارت له خوا د کابل شیخزاید ملي نیورو ساینس روغتون کې د پنځوس میلیونه افغانیو په لګښت اته نوې څانګې پرانیستل شوې.</p>
<p style="text-align: justify;">د عامې روغتیا وزارت له خوا په خپره شوې یوه خبرپاڼه کې راغلي، په دې څانګو کې د جراحۍ ICU څانګې، مجهزو عملیاتخونو، ریکوري، سيټيسکن، د وینې بانک، مجهز لابراتوار، ډيجیټل اکسرې، الټراسونډ، EEG، ایکو، نارینه OPD او ښځینه OPD شاملې دي.<img class="alignleft wp-image-551516" src="https://pajhwok.com/wp-content/uploads/2023/07/F1kKty0WAAAtMCQ-300x200.jpg" alt="" width="404" height="269" /></p>
<p style="text-align: justify;">ډاکټر قلندر عباد د دې څانګو پرانیسته او رغول د افغانستان د روغتیايي سکټور په برخه کې معیاريوالي او پرمختګ ته تر بل هر وخت نږدې کېدل وګڼل او ویې ویل، د عامې روغتیا وزارت هڅه کوي چې د ناروغانو درملنې په موخه په کور دننه غوره امکانات او معیاري روغتیايي خدمات برابر کړي.</p>
<p style="text-align: justify;">نوموړي زياته کړه، د عامې روغتیا وزارت ژمن دی څو ټولو هېوادوالو ته معیاري روغتیايي خدمتونه وړاندې کړي.</p>
<p style="text-align: justify;">د دغه وزارت د معلوماتو له مخې، د دې ځانګو لپاره نوي عصري وسایل هم اخیستل شوي چې په ټوله کې پر دې څانګو پنځوس میلیونه افغانۍ لګښت راغلی دی.</p>
[/restrict]
