کابل (پژواک، ۹ تله ۱۴۰۲): د تېرو درېیو اونیو په نسبت نن د افغانۍ پر وړاندې د امریکايي ډالر ارزښت نږدې پنځه سلنه ټیټ شوی، د کابل شهزاده سرای صرفان یې لامل بازار ته د ډالرو وړاندې کولو ډېرېدل بولي.
نن (د تلې ۹مه) د یوه امریکايي ډالر د پېر بیه ۷۶.۷۰ افغانۍ ده، په داسې حال کې چې د روان کال د وږي په ۱۳مه د یوه امریکايي ډالر د پېر بیه ۸۰.۵۰ افغانۍ وه.
د یادونې ده، د روان کال په غبرګولي میاشت کې د یوه امریکايي ډالر د پېر بیه ۸۶ افغانۍ وه، خو په چنګاښ میاشت د امریکايي ډالر پر وړاندې د افغانۍ ارزښت کرار کرار مخ په لوړېدو شو. خو له چنګاښ میاشتې راهیسې افغانۍ په یو حالت کې نه ده، کله یې ارزښت لوړېږي او کله ټیټېږي.
د کابل په شهزاده سرای کې د «صداقت صرافۍ» مالک حاجي محمدحسین نن له غرمې وروسته شاوخوا ۲:۳۰ بجې پژواک خبري اژانس ته وویل چې د یوه امریکايي ډالر د پېر بیه ۷۶.۷۰ افغانۍ ده.
هغه د افغانۍ د ارزښت لوړېدو په تړاو وویل، د مرکزي بانک له لوري بازار ته د ډالرو وړاندې کول او دغه راز د بشري مرستو لپاره د کمکي پیسو زیاتوالی د دې لامل شوی چې په بازار کې ډالر ډېر او افغانۍ کمې شي چې په پایله کې یې د ډالرو پر وړاندې د افغانۍ ارزښت لوړیږي.
په همدې حال کې، په کابل ښار کې د شهزاده سرای صرافانو ټولنې ویاند عبدالرحمن ځیرک پژواک ته وویل: «له دې امله چې مرکزي او اېایبي بانکونه بازار ته ډالر وړاندې کوي، د ډالرو فزیکي شتون زیات شوی او د افغانۍ پر وړاندې یې ارزښت ټیټ شوی دی.»
هغه زیاته کړه، دویم لامل دا دی چې مخکې په یو شمېر ولایتونو کې راکړه ورکړه پر کلدارو کېده، خو واک ته د اسلامي امارت له بېرته رسېدو سره، د کلدارو په ګډون په بهرنیو پیسو پر راکړه ورکړه بندیز لګېدلی دی.
غړيYou need to subscribe to view the full article. Please login or register a new account.
